Montag, 15. Juni 2009

Abflug 7:40 Uhr von Zürich
9.50 Uhr Ankunft in Madrid
12:30 Uhr Abflug Madrid
15.45 Uhr (Zeit in Guatemala) Ankunft in Guatemala City
 
guet acho in Guatemala, sind jetzt nach Antigua gfahre und haend ae haengematte gfunde zum uebernachte. es isch no alles bim alte do. 

am donnschtig simer no uf de vulkan.

da wuchenend sind mir in monterrico ade pazifikkueste gsi. isch mega schoen gsi. aber viel raege, s meer doete isch recht wild so dass mer ues noed getraut hend zum go bade. aber han no eini kenneglernt vo de region (vo zuzwil) cooli zuefaell gits.
 
 
Dienstag, 24. Juni 2009
Huet haemer wieder uesi erscht Salsa Tanzstund :-) wird sicher wieder luschtig :-)

Dienstag, 30. Juni 2009
Am Fritig simer los uf uesen Trip nach Rio Dulce und Semuc Champey. Mir hend en Bus bis id Hauptstadt buecht und vo doet us simer mit was car aehnlichem witergreist. Mer hend ae halbi Stadtrundfahrt gmacht in Guate City bis mer entlich bim Car gsi sind.... Aber leider kei Fotene - z gfoehrlich. Bim Busterminal haend ues denn alli aglozt, die hend wohrschinli denkt was machet denn die 2 Grigos do... sind denn mit dem Bus nach Rio Dulce gfahre und doet haemer denn gad so en Typ gfunde wo ues mit sim boot zumne hammer hostel brocht hett (und no gratis). Womer bi dem Hostel acho sind haemer ues gfuehlt wie dMilionaere... Pool und 2 Jacuzzi ae baumhus mit super WC haet zwor sin Pris ka. Aber mer hend denkt die 9 Franke goenned mir ues i de CH waer das jo kein Pris. Mir sind denn 2 Naecht i dem Villa Hostel bliebe und sind denn am noegschte Tag uf Stross gstande und hend en direkte Bus nach Semuc Champey gsuecht.... aber git nuet direkts nur mega komplizierts Zueg womer viel mol umstiege mue. Do chunt doch de Typ mit sim Boot wieder daeher und seit er choen ues scho direkt mit emne Shuttle nach Semuc bringe er muess schnell telefoniere. Mer sind denn dere Sach noed so sicher gsi. haend denn au no dHaelfti vom Pris muesse zahle aber mer hend denkt mer wogets. Haett denn au alles super klappet. Mir sind alles ueber Schotterpiste immer im Wald gfahre isch de Hammer gsi die Fahrt. Aber noed so ganz ungfoehrlich gemaess Fahrer mer haend alli uesi Wertsache muesse verstecke. 
Sind denn super in Semuc Champey acho und haned doet aen Tag mit Bade verbrocht.
Huet simer wieder zrugg in Antigua. Uesers super Hostel do isch leider usbuecht. Jetz simer imne mega grusig stinkige mit komische Luet aber mer wechslet as soon as possible :-)
Freitag, 17. Juli 2009
Also won i sletscht mol gschriebe han simer aebe i dem komische hostel gsi. mir sind denn am morge am 1 vom usgang heicho und hett denn kein mensch tuer uf tue bi dem hostel. mir sind denn z mittzt ide nacht uf de stross gstande.... zum guete glueck haemer no en kolleg vo letscht johr troffe und hend bi ihne dihai choene uebernachte.
die wuche simer nach san pedro gange am lago atitlan. isch mega cool gsi mir haend ae kayak gmietet und sind chli ufem see umenand gruederet. nochher simer witer nach xela (quetzaltenango) das isch ca. uf 2400 meter ueber meer und au dem entsprend chalt gsi. sind doete i heissi quelle go bade. s wasser chunt direkt vom vulkan zunil... dass isch so heiss gsi. haend ae mega cooli ziit doet verbrocht. und sind jetz momentan wieder zrugg in antigua.
Montag, 20. Juli 2009

Am Samschtig simer mit paar Kollege vo Guatemala, nach El Salvador gfahre as Meer. Die 4 Chicos machet alli Triathlon und sind au scho i de Schwiz gsi am Ironman. Sie haend gseit mer fahred nach El Salvador und sie gaenget denn doet chli go trainiere mit aem Rennvelo. Ok mir sind denn los gfahre mit zwei Ironmans :-). die andere haemer zerscht no muesse go abhole. denn haemer de dritt gholt und nochher de viert. Ploetzlich haends agfange diskutiere oebs aecht statt go velofahre go jogge gaenget... ok sie haend denn 1 Stund diskutiert. Die Guatemalteke sind so kompliziert. Sie haend denn wieder alli velo abglade. und mir sind denn mit em Pick up nach el salvador gfahre. Mir sind denn de ganz weg z vierte hine uf de ladeflaechi vom pick up nach el salvador gfahre. Am Zoll merkt de eint ploetzli dass er sin Pass  vergesse haet. also haett er denn paar mulas (dealer gsuecht) und isch dur de Fluss wo Guatemala und El Salvador trennt, gschwumme. Mir hend en denn in El Salvador wieder uf glade. Denn isch uesi Reis witergange. Sind denn am Tunco Beach acho. doet simer ine hotel wo nonig fertig isch isch no im bau gsi. haend sWC muesse mit wasserflaesche spuele aber isch cool gsi. Ufem Haiweg simer denn eifach ueber grenze duere gfahre und haend nueme aghalte, da typ ade grenze haet ues zwor no nogschraue aber sie hend ues noed verfolgt. So haet de ander nueme muesse dur de Fluss schwimme.

Dienstag, 4. August 2009

Sind jetz in Honduras uf de Insle Utila und han gad en Tauchkurs gmacht ha jetz Padi Zertifikation und bi en richtige Fisch :-)

Sunntig, 9. August 2009

Sind jetz wieder zrugg in Antigua. Sind huet en Fruend go bsueche vo letscht Johr, im Gfaengnis in Guatemala City. Es isch recht trurig gsi zum gseh wies isch, was fuer zum teil fuer krassi type dine haet. im gohts so wiet guet... aber isch trurig wemer denkt wie lang dass er mue doet si (6 - 20 Johr) sie sind nonig vor Gricht gsi. Und die Regle wo existieret i dene Sectore sind krass, wemer kei Geld hett wird mer eifach verschlage... es isch unerklarlich wemers noed mit eigene auge gseh haett...

Samschtig, 15. Auguas 2009

Huet goht dAnja hai :-( und ich gang morn morge am 4 witer nach San Salvador und denn Managua (Nicaragua)...

Montag, 17.August 2009

I bi jetzt noch 2 Taeg Bus fahre in Leon Nicaragua acho... Gescht bini in San Salvador gsi, e recht schoeni Stadt wemer verglicht zu de reschtliche Hauptstaedt, viel hani zwor noed gseh wil i so mued gsi bi. Do mir dNacht vorher noed gschlofe hend und no dueregmacht hend bis de Bus cho isch.

Huet isch denn dReis witergange nach Honduras und denn Nicaragua.

Leon isch e einigermasse schoeni Stadt nie so wie Antigua aber ok. Gmaess Reisefuehrer soett sie eini vo de schoenschte Staedt siii in Nicaragua. Also lohnt sichs glaub noed so do dStaedt go aluege :) I woett am Mittwoch eigentli ae Vulkantour mache, aber es isch abartig heiss do und Vulkaen doe sind au nur um die 1500 m hoch also wirds doet obe au abartig heiss sii. Drum ueberleggi mir oeb i noed gschieder an Strand gange, mol luege....

Samschtig, 22. August 2009

Bin jetz scho eh Wuche aellei unterwegs. Han en 2 Tages Hike uf de Vulkan Telica gmacht. Und bi go Vulkan Boarde gange. Mega glatt gsi, mer isch ae Stund ufen recht steile Vulkan ufeglaufe und nochher mitemne Holzbrett abegschlittlet... I denk morn oder am Mentig verlohn i Leon und gang nach Isla Ometepe, Corn Island oder Pacific Coast, chan mi ebe noed entscheide drum bini no immer do:)

Mentig, 31.8.2009

i bi zrugg vo corn island isch mega schoen wie maledive, aber mer chan eifach noed viel mache drum han i mi entschlosse zum wieder zrugg go. do i jo am 15. sept nicaragua verlasse mue und mis visa ablauft. han i nuem so viel zit. momentan bin i in granada ae kolonialstadt. es isch mega viel passiert sit mer uf dere insle acho sind...

ich, ae australierin (Maisie) und aen duetsche (sven) haend ues entschlosse zum noed uf dInsle fluege sondern mit em bus und boot go. Also haemer Leon verloh und sind id Hauptstadt Managua gfahre. doet haends ues gseit de bus goht erscht am 9 am obig das heisst mer waeret am 2 i de nacht in rama acho. und rama isch recht e versiffti stadt. mer hend denn dank em taxi fahrer no en andere bus gfunde wo gad am 3 am nomi abgfahre isch. mir sind denn am obig am 7 acho. hend e unterkunft gfunde und hend denn doet gschlofe. am noegschte tag haemer mit em boot 2h muesse nach bluefields fahre. das isch oepis gsi, es hett voll abegregnet... da boot isch chli gsi mit emne motor und alli passagier hend denn e riese plastik blache muesse ueber de kopf zieh dass noed z viel wasser ine chunt.

in bluefields acho haemer denn a ticket fuer de noegscht tag fuerd faehre buecht. er de typ wo ues zum buero brocht hett womer cha s billet chaufe hett gseit am 9 am morge fahri die faehere namens island express... ok nochere nacht i bluefields (au e sehr grusigi stadt wos immer regnet) simer denn zu de faehere hett usgseh wie zafrika. alli sind am bode umeghogget mit zaesse ide hand... (Luet i de karibik sind au schwarz)

mer hend denn eifach gwarted die faehere isch nie abgfahre (bis am 11). denn hetts gheisse es hett zviel luet uf de fahre bitte nomol alli usstiege. ok mir sind denn 1 stund i de pralle sunne usegstande, bis gwuesst hend was soelled mache.

sie hend denn alli naeme abeglese vo dene wo e ticket hend. mir sind noed drunder gsi :( ob wohl mir jo e ticket kauft hend. sie hend ues denn klar gmacht dass mer ufere falsche faehre seged die ander seg scho gange... super. mer choend nuet meh mache (es isch mittwoch gsi) die noegscht faehre fahrt erscht wieder am fr. also simer am flughafe go luege oebs no en flug git. mir sind denn am flughafe acho und sie hend ues gseit dass mer soelled bis am halbi 3 warte, sie choenet erscht denn sege oeb mer platz hend. also haemer wieder 2h gwartet. hett denn schlussentli kei platz meh ka. und mer hend nomol e langwiligi und nasssi nacht in bluefields verbrocht. hend aber im flughafe gaad ticket reserviert fuer de do. An donnschtig simer denn gfloge.

sind denn in big corn islan acho und nochher uf little corn island mit em boot. doet acho haemer is ensuenos hotel woelle, doet hetts de schoenscht strand. mir sind denn mit allem gepaeck dass heisst i ha mittlerwile (28kg) los glaufe 30 min i de hitz in norde. ufem weg ischs recht schliefrig gsi wills vorher gregnet hett. dAustralierin isch umkeit ufem weg und ihre hetts dHand verboge, sie hetts gfuel ka sie hett sie broche. mir hend denn s gepaeck am nord strand bi dem ensuenos hotel loh und sind zrugg glaufe.

doet hetts e chlini klinik ka und dAerztin hett gseit darm vo de australierin isch broche und sie mue zrugg nach bluefields fluege zum in spitol. also isch de sven und ich wider 30 min in norde glaufe und hend alles gepaeck gholt. ich bin denn ope mit 45 kg usgruest gsi, sind 15 - 20 min so glaufe und hend ploetzli eifach nueme moege vor luter hitz und astrengig. mer hend denn alles gepaeck uf ein hufe im wald gleit und er isch sreschtliche stuck no ellei mit de maisie sim rucksack zrugg id klinik. und sie haett s boot gno und isch gange. i ha bim gepaeck gwarted. nochher simer zeme is ander hotel wo noecher gsi isch bim hafe wil mir das mit ihre abgmacht hend, aber da hett gheisse nomol ca. 30 min mit voller montur. sind denn entli acho...

dMaisie isch denn noch 2 taeg au scho wieder cho.

hend denn di reschtlich zit am strand verbrocht, i bi go schnorchle und han 9 hai und ein mantaroche gseh... unglaublich fuer das hett sich die astrengig scho glohnt :)

huet bini i denn i stroemendem rege zrugg, alles isch nass gsi isch gsi als waer i is meer gjuckt. bi den an flughafe und han en flug verwuetscht de letscht sitz. es sind 2 flueger gsi und es hett gheisse i mue in chline. also de gross isch denn abgfloge und denn chunt ploetzli eini i muess in grosse denn hani gseit de seg scho weg und ein hett mir gseit i muess in chline... denn seit sie dass isch noed moeglich i muess warte... aber da warte kenn i emfang i bi denn eifach in chline igstiege wo sie noed ume gsi isch und bi denn in managua acho. und han en bus gno nach granada won i jetz bi .... puuuh :)

mengmol isch reise astrengend

Donnerstag, 3.9.2009

Eveline isch en Surfer :) i ha geschter mini 1. Surflektion ka und isch mega mega glatt gsi.... er muend dass alli au mol usprobiere, i gang huet gad scho selber han mir jetz e board gmietet und gang chli go uebe.... hett nie denkt dass i uf dem Brett stoh cha aber nach mim 4. Versuech hetts scho klappet, i bi mega gluecklich gsi will i das nie erwarted hett dass da so schnell goht. Han zwor so ae Afaengersurf board isch oepe 2.20 meter lang, aber das macht nuet isch glich mega glatt :) es seg ebe eifacher mit laengere.... jetz han i denn ganz viel Zit zum surfe lerne will inere Wuche gang i nach Costa Rica und das isch e richtigs surfer land....

Mentig, 15.9.2009

bin jetz in boquete in panama, do mir costa rica eifach gar noed passt hett, alles isch enttueschend gsi... dstraend sind noed de hammer und denn bini no i ein vo de beruehmtischte nationalpaerk... da isch de groescht reinfall gsi... e riese breite stross imne wald stuck... haend scho paar affe und leguan gseh aber am meischte hett mer dicki amerikaner gseh wo umegschraue hend und somit eh alli tier verschuecht hend... d landschaft in costa rica waer eigentli no schoe aber sobald mer ines dorf chunt ischs eifach versaut vo fastfood laede und witere ami-shops....

aber i glaub panama wird besser, bi jetz imne mega schoene dorf uf 1000 m ueber meer... isch recht ruhig do i bi aellei imne hostel mitemne berner wo do sprochschuel macht... morn hett er frei und denn machet mer so en hike dur de jungle. huet han i woelle am fluss no laufe aber isch noed guet gange wills ueberall haeg ka haett. drum han i mit dere wo im hostel schafft chli dvd glueget, lauft halt sus noed viel, wemer noed gad go wandere goht.



powered by klack.org, dem gratis Homepage Provider

Verantwortlich für den Inhalt dieser Seite ist ausschließlich
der Autor dieser Homepage. Mail an den Autor


www.My-Mining-Pool.de - der faire deutsche Mining Pool